Studim japonez: Fotografitë e kafshëve të vogla rrisin performancën e punës
Shkencëtarët në Universitetin e Hiroshimës studiuan efektet e fotografive të bukura të kafshëve dhe arritën në përfundimin se fotografitë e këlyshëve dhe koteleve mund të rrisin vigjilencën dhe performancën e punës.
Për studimin, pjesëmarrësit duhej të zgjidhnin detyra të ndryshme që kërkonin shkathtësinë e tyre dhe të kuptuarit pamor. Ndërkohë, shkencëtarët kontrolluan sjelljen e subjekteve të testimit përpara dhe pasi të shikonin foto të këlyshëve dhe koteleve ose kafshëve të rritura, pjata të shijshme apo edhe objekte neutrale.
Rezultati: Fotografitë e lezetshme të kafshëve rezultuan në një rritje të konsiderueshme të performancës në punë që kërkonte sjellje të kujdesshme. Studiuesit japonezë mendojnë se ka të ngjarë që arsyeja për këtë qëndron në një fokus më të ngushtë në detyrat.
Shkencëtarët besojnë se aplikacionet me veçori të lezetshme, ndër të tjera, mund t'i bëjnë objektet më miqësore dhe të aksesueshme. Ato gjithashtu mund të nxisin sjellje më të vëmendshme dhe të kujdesshme te përdoruesit, gjë që do të ishte një avantazh në situata të caktuara si ngarje e një makine ose kryerja e punëve në zyrë.