Մերի Ալեն
Պուդելը խելացի, անընդհատ ուշադիր և ակտիվ շան տպավորություն է թողնում, որը լի է ինքնագնահատականով։ Շնորհիվ իր դիտողականության և մարդու հետ շփվելու մեծ հետաքրքրության՝ պուդելը սովորում է հեշտությամբ և հետաքրքրությամբ, իսկ գրագետ մոտեցմամբ նա կայուն կերպով ցուցադրում է յուրացված հմտությունները, որոնք նրան վաստակել են իդեալական կրկեսային շան համբավ։
Ցեղատեսակի մեջ կան տարբեր գույներ, սակայն ցեղի ստանդարտը դասական գույներն են՝ սև, սպիտակ և շագանակագույն, ինչպես նաև ավելի նոր, այսպես կոչված, «մոդեռն», արծաթագույն և կարմիր:
